البطله
زى ما شوفت اللى قبلك..
شوفتك انتى بخدعى نص البلد
تضحكى للى انتى عايزه تضحكيله..
تهمسى للى انتى عايزه تهمسيله..
تاخدى اللى فيهم يعجبك ..وتلفى ويّاه البلد..
...
تكتبى اسمك واسمه فوق مسله فى الميدان ..
ترسمى قلبك وقلبه فوق اساميكو كمان
ترقصوا الرقصه الجديده..
تضحكوا الضحكه السعيده..
وتسبيه فى نفس المكان..
اللى سبتى فيه ما قبله ..يوم ما كنتى معاه زمان..
...
اللى كان يعجبى فيكى ..
انك انتى بتقدرى بين يوم وليله تغيّرى..
انسان جديد مخدوع بحبك ..لولشخصه تقدّرى
تقنعيه انك حبيبته .. وان طبعك من طبيعته..
واما يشعر بالامان..ترمى قلبه فى التراب...
...
شىء طبيعى من بنيّه لسه فى بداية السنين
سايقه الدلال على قدّها .. شايفه الكتيرم المعجبين
اللىيكتب شعر فيها ..واللى يوصف فى عنيها ..
واللى يطلب انها.. تكتبله مره كلمتين.
واما دورك جه عليا لجل اكون بطل الروايه..
ابتديتى تعدّى ليّا الكمين زى الضحايا...
نظره ..همسه ..كلمتين..بسمه صفرا ضحكتين..
وتضيّعى ايام هنايا....
...
لأ يابطله الاحــــــلام كفايه..
آخر خطوط الغدر وصلت للنهايه.
مش انا اللى بسهوله يمكنك ان تخدعيه..
مش انا اللى بكلامك..تفرحى وتفرحيه
مش كل طير فى الدنيا دى ياكله البشر..
مش كل طير فى الدنيا يقدر ع السفر ..
وانا قلبى عاش كام تجربه..وقفل الكتاب
انا قلبى شـــاب..
وانا لسه فى بدايه الشباب.
...
كلمات..محمود صابر الخطيب