احلي بـنت
معرفش ليه .. انا لما شوفتك ابتسمت
ووقفت بعد الابتسامه .. ساعه صمت
وقعدت بعد الصمت يوم .. من غير ما قومت
وفضلت بعد اليوم يومين .. سهران ما نومت
ان اللي عمري ما اترجعت..
قدام عيونك .. اتهزمت
…
حطيت قراري ... فوق مداري واتعدلت
بصيت في وش مرايتي تاني .. كتير ودورت
لقيت في شعري شعره بيضه .. اضطربت
اتاري هم العمر خدني.. خلاص كبرت
ان اللي عمري ما اترجعت ..
قدام عيونك .. اتهزمت
…
لفت في راسي , وف حواسي , فكره من ايام ماكنت
اكتب لدي .. واوعد في دي ..
واقول لدي .. احلى ما قولت .
قفلت باب الفكره جامد .. وانتبهت
هوه انا باقي ف حياتي م السنين .. اكتر ما عشت
انا اللي عمري ما اترجعت ..
هزمتني نظره احلى بنت
....
كلمات..محمود صابر الخطيب .
الثلاثاء 11 يناير - 22:43