(الحب الابدي)
حبك يا أمي .. في دمي ماشي في العروق
ونبض قلبي .. مع نبض قلبك .. كله شوق
دايما معايا في كل سكه مشيت عليها
وصوت دعاكي .. ينور الدنيا ومافيها
يا كل حبي .. انا طفل مهما طلعت فوق
...
بحزن كتير .. ان عدى يوم من غير م اصبح فيه عليكي
وافرح كتير ..ان قمت من النوم والتقت عيني بعنيكي
ياشيله همي وهم بيتي ..
يا عايشه في صوتي وسكوتي
لسه بحبك .. ذي حب الشمس لساعات الشروق
...
بحرك حنان .. وغرقت فيه من يوم ميلادي
شطك امان .. وبحس بيه في عيون ولادي
يا مناره يا مرسى السفينه
يا شجره بتضلل علينا
يامعلماني الصبر في الضيق .. ومعلماني الزوق
...
حبك يا امي .. مطبوع في عقلي وفوق جبيني ميت علامه
حسبي رضاكي .. يبقى سبيلي ف وقفتي يوم القيامه
ياما نفسي اسدد جزء من دينك عليا
ياللي لسه بتدفعي ليا العيديه ..
ياللي جمايلك .. عمله فوق رقبتي طوق .
...
كلمات...محمود صابر الخطيب
الثلاثاء 11 يناير - 22:40